Signify შეგიძლია დაუკავშირო იმ პროგრამებს, რომლებსაც უკვე იყენებ ისე, რომ თანამშრომლებს აღარ მოუწიოთ სხვადასხვა სისტემებში მუშაობა.
ამ გზით შეგიძლია დოკუმენტები გაგზავნო, მოაწერინო ხელი ან შეინახო უშუალოდ შენი სისტემიდან, Signify-ზე შესვლის გარეშეც.
რა არის API ინტეგრაცია?
API ინტეგრაცია გაძლევს შესაძლებლობას დააკავშირო Signify შენი კომპანიის შიდა სისტემებთან - მაგალითად, CRM, HRMS, ERP ან სხვა აპლიკაციებთან, რომლებსაც იყენებ დოკუმენტების მართვისთვის.
ინტეგრაციის საშუალებით შეგიძლია:
- დოკუმენტები შექმნა და გაგზავნო ხელმოსაწერად პირდაპირ შენი სისტემიდან,
- ხელმოწერილი დოკუმენტის ავტომატურად შენახვა შენს შიდა სისტემაში,
- ხელმოწერის პროცესის ჩასმა შენს ინტერფეისში და სხვა.
როგორ მუშაობს API ინტეგრაცია?
ჩვენს API-სთან ინტეგრაცია ძალიან მარტივია და ჩვეულებრივ 1-2 დღეში სრულდება ხოლმე.
ინტეგრაციისთვის დაგჭირდება:
- ჩვენი REST API დოკუმენტაცია,
- API-ს გამოძახებისთვის Client ID და Client Secret დაგენერირება. ამას ინტეგრაციების გვერდიდან შეძლებ.
- Enterprise პაკეტი შენს ანგარიშზე
როგორ დავაგენერირო API key?
გადადი პარამეტრებში, აირჩიე ინტეგრაციები, დაჭირე ახალი ინტეგრაციის დამატების ღილაკს.
ფანჯარაში აირჩიე API და დააჭირე დამატებას. დააკოპირე Client ID და Client Secret. დაარქვი სახელი ინტეგრაციას და აირჩიე რომელ გუნდში დაემატოს.
ამ მონაცემებით შეძლებ შენი აპლიკაციიდან პირდაპირ გაუგზავნო მოთხოვნები Signify API-ს და ავტომატურად მართო ხელმოწერის პროცესები.