გაიგე როგორ მოირგო დოკუმენტების სივრცე შენ საჭიროებებზე
მორგებული ხედვები საშუალებას გაძლევს თავად განსაზღვრო, რა ინფორმაცია გამოჩნდეს დოკუმენტების ცხრილში და რა რიგითობით.
შეგიძლია დაამატო ან დამალო სვეტები, შეცვალო მათი თანმიმდევრობა, გამოიყენო ფილტრები და შეინახო ისეთი ხედვები, რომლებიც ყოველდღიურ მუშაობას გაგიმარტივებს.
როგორ დავამატო ახალი სვეტი?
- დოკუმენტების ცხრილის ზედა ნაწილში დააჭირე + ღილაკს
- ჩამონათვალიდან აირჩიე ის სვეტი, რომლის დამატებაც გინდა (მაგ., ვადის გასვლის თარიღი, ბმულის ვადა, საქაღალდე, მიმღებები და სხვა)
- შემდეგ, არჩეული სვეტი გადაიტანე და დასვი რიგითობით იმ ადგილას, სადაც გინდა, რომ გამოჩნდეს
- დააჭირე შენახვას
სვეტი წარმატებით დაემატება
როგორ გადავაადგილო სვეტები?
სვეტების რიგითობის შესაცვლელად ორი გზა არსებობს.
პირველი:
- დააჭირე + ღილაკს
- გადაადგილე სვეტები სასურველ ადგილას
მეორე:
- სასურველი სვეტის გასწვრივ დააჭირე სამ წერტილს
- აირჩიე მარჯვნივ გადატანა ან მარცხნივ გადატანა
როგორ დავმალო სვეტი?
- სვეტის გასვწრივ დააჭირე სამ წერტილს
- აირჩიე სვეტის დამალვა
ნებისმიერ დროს შეგიძლია დამალული სვეტი ისევ დაამატო + ღილაკით.
როგორ დავალაგო მონაცემები?
ის სვეტები, რომლებიც უკავშირდება თარიღებს, თანხებს ან სხვა რიცხვით მონაცემებს, შეგიძლია დაალაგო:
- ზრდადობით
- კლებადობით
ეს დაგეხმარება, მაგალითად:
- სწრაფად მოძებნო კონტრაქტები, რომლებსაც მალე ეწურებათ ვადა
- ნახო, რომელი დოკუმენტების ბმულს გასდის ვადა
- ანალიტიკურად დაალაგო თანხები ან რაოდენობრივი მონაცემები
როგორ შევინახო ხედვა?
გარდა სვეტებისა, შეგიძლია გამოიყენო ფილტრები, მაგალითად:
- დოკუმენტის ტიპი
- სტატუსი
- ვადის გასვლის თარიღი
- საქაღალდე
- ხელმომწერი
- ან რამდენიმე ფილტრის ერთობლიობა
ფილტრები განსაკუთრებით გამოგადგება, თუ ყოველდღე მუშაობ ერთსა და იმავე კატეგორიებთან.
როდესაც სვეტები, სორტირება და ფილტრები ისე გაქვს დალაგებული, როგორც გჭირდება:
- დააჭირე „ხედვად შენახვას“
- მიუთითე ხედვის სახელი.
- აირჩიე სასურველი ფერი
- განსაზღვრე წვდომა:
პერსონალური - დაინახავ მხოლოდ შენ, გაზიარებული - დაინახავს გუნდის ყველა წევრი
- დააჭირე "შენახვას"
როგორ გადავიდე შენახულ ხედვებზე?
მარცხენა პანელში ნახავ ხედვების განყოფილებას, სადაც ჩანს:
- შენი პირადი ხედვები
- გუნდში გაზიარებული ხედვები
- სისტემური ხედვები
გაითვალისწინე, რომ სისტემურ ხედვებში ცვლილების შენახვას ვერ შეძლებ. თუმცა, ახალი სვეტისა თუ ფილტრის დამატების შემთხვევაში, შეძლებ მათ ახალ ხედვად შენახვას.
ნებისმიერ ხედვაზე დაჭერით ცხრილი შეიცვლება შენახული წესების მიხედვით.
როგორ დავარედაქტირო არსებული ხედვა?
- გადადი საჭირო ხედვაზე
- შეცვალე სვეტები, ფილტრები ან სორტირება
- დააჭირე ცვლილებების შენახვას
როგორ წავშალო ხედვა?
- ხედვის სახელთან დააჭირე სამ წერტილს
- აირჩიე წაშლა