ფორმები განსაკუთრებით გამოსადეგია მაშინ, როცა გინდა რომ ბევრ ადამიანს შეავსებინო ინფორმაცია, მაგალითად:
- შვებულების მოთხოვნის ფორმა
- ახალი თანამშრომლის ონბორდინგის დოკუმენტი
- AML დოკუმენტაცია
- სესხის განაცხადები
- სტუდენტების სარეგისტრაციო ფორმები
- შესყიდვების ფორმები და ა.შ.
როგორ შევქმნა ფორმა?
გადადი ფორმების გვერდზე და ატვირთე დოკუმენტი.
ატვირთვის შემდეგ, ავტომატურად დაემატება მიმღებად ფორმის შემვსები.
შეგიძლია აირჩიო შესაბამისი ავტენთიფიკაციის მეთოდი.
აირჩიე, როგორ მოხდება ფორმის გაზიარება და შევსება:
- SMS-ით - მომხმარებელს შეჰყავს საკუთარი ტელეფონის ნომერი და დოკუმენტი ეგზავნება SMS-ის საშუალებით
- ელ-ფოსტით - მომხმარებელს შეჰყავს ელფოსტა და ფორმა ეგზავნება მის მეილზე
- ბმულით - მომხმარებელი გადადის დოკუმენტზე პირდაპირ ბმულიდან და იქვე ავსებს და აწერს ხელს.
ბმულით გაგზავნა ხელმისაწვდომია მხოლოდ Enterprise პაკეტში.
თუ ფორმის პროცესში სხვა პირიც გინდა მონაწილეობდეს (მაგალითად, ხელმოწერის ან დადასტურების ეტაპზე), შეგიძლია ინდივიდუალურად დაამატო შესაბამისი როლით.
(გაითვალისწინე, რომ ეს პირ(ებ)ი წინასწარ იქნება ყველა დოკუმენტზე განსაზღვრული და მის ცვლილებას მხოლოდ ფორმის რედაქტირებით შეძლებ).
როგორ მოვამზადო შესავსები დოკუმენტი?
დოკუმენტის ატვირთვის შემდეგ, გადადი დოკუმენტის მომზადების ეტაპზე, სადაც დაამატებ შესავსებ ველებს ფორმის შემვსები პირებისთვის. ფორმაში შეგიძლია დაამატო:
- პირადი ინფორმაციისთვის განკუთვნილი ველები (სახელი და გვარი, ელ. ფოსტა, პირადი ნომერი და ა.შ);
- თავისუფალი ტექსტური ველი;
- ასარჩევი ველი (Drop-down);
- მოსანიშნი ველები
- მიმაგრებული ფაილის ველი (სადაც შემვსები ატვირთავს ფაილს) და ა.შ.
მოარგე თითოეული ველი შენს საჭიროებებს - დაასათაურე შესაბამისად და მოითხოვე კონკრეტული მონაცემების შევსება ან ფაილების ატვირთვა.
შესავსები ველების შესახებ უფრო მეტ დეტალს ამ ბმულზე ნახავ.
ბოლოს, დაამატე ხელმოწერის ველი, რომ მომხმარებელს შეეძლოს ფორმის ხელმოწერა.
როგორ დავაყენო ფორმის პარამეტრები?
დააყენე ფორმის პარამეტრები ბოლო ეტაპზე, მათ შორის:
- დოკუმენტის სახელი და ენა
- ბმულის აქტიურობის ვადა
- შეხსენებების სიხშირე და რაოდენობა
- საქაღალდე და ტეგები
გადაამოწმე დეტალები და დააჭირე „შენახვა“.
ამის შემდეგ, გამოჩნდება ფანჯარა, საიდანაც შეძლებ ბმულისა თუ QR კოდის კოპირებას.
სამომავლოდ, ფორმების გვერდიდან ნებისმიერ დროს შეძლებ ბმულისა თუ QR კოდის გენერაციას.
როგორ გავაზიარო ფორმა?
ახლა შეგიძლია დააკოპირო ფორმის ბმული ან QR კოდი და გაუზიარო ნებისმიერ ადამიანს შესავსებად.
ასევე შეგიძლია ბმული ან QR კოდი გამოიყენო ვებსაიტზე, რომ მომხმარებელი პირდაპირ საიტიდან გადავიდეს ფორმაზე.
QR კოდის გამოყენება განსაკუთრებით გამოსადეგია ფრონტ ოფისებში - სადაც მომხმარებლებს შეუძლიათ მარტივად დაასკანერონ და შეავსონ შენს მიერ წინასწარ შექმნილი ფორმა.
რა ხდება ფორმის გაზიარების შემდეგ?
ბმულზე გადასვლის შემდეგ, ის თავად დაიწყებს პროცესს:
- თუ ფორმა გაზიარებულია SMS-ით, შეიყვანს ტელეფონის ნომერს და დოკუმენტი ეგზავნება SMS-ის საშუალებით.
- თუ გაზიარებულია ელფოსტით, შეიყვანს ელფოსტას და მიიღებს დოკუმენტს მეილზე.
- თუ გაზიარებულია ბმულით, შეიყვანს მხოლოდ სახელსა და გვარს და პირდაპირ ბმულიდან გადავა დოკუმენტზე.
როგორც კი მიმღები შეავსებს ფორმას, Signify ავტომატურად აგენერირებს ახალ დოკუმენტს - ეს ნიშნავს, რომ ყოველი შევსებისას შენს ანგარიშზე იქმნება ახალი, უნიკალური დოკუმენტი.
შემდეგ, მომხმარებელი ავსებს შენ მიერ განსაზღვრულ ველებს და აწერს ხელს დოკუმენტს. პროცესი სრულდება ისე, როგორც ჩვეულებრივი ხელმოწერისას.
ფორმები გაძლევს საშუალებას გაამარტივო განმეორებადი პროცესები - შექმნა დოკუმენტი ერთხელ და გახადო ხელმისაწვდომი ყველასთვის, ვისაც სჭირდება მისი შევსება და ხელმოწერა.
ასე შეგიძლია მარტივად მიიღო უამრავი დოკუმენტი ერთი ფორმიდან - ერთ ბმულზე დაყრდნობით, ავტომატურად, უსაფრთხოდ და ყოველგვარი დამატებითი ქმედების გარეშე.
ფორმები გეხმარება დაზოგო დრო, გაამარტივო განმეორებადი პროცესები და გახადო დოკუმენტების მიღება ისეთივე მარტივი, როგორც ბმულის გაზიარებაა.